Ya ilahi har jagah teri ataa ka sath ho by owais raza qadri | naatsharif

Ya ilaahi Har Jagah Teri Ata Ka Saath Ho,

Ya ilaahi Har Jagah Teri Ata Ka Saath Ho,
Jab Parhe Mushkil Sha'he Mushkil Kusha Ka Saath Ho.

Ya ilaahi Bhool Jaun Nazaa ki Takleef Ko,
Shadiye diidare Husne Mustafa Ka Saath Ho.

Ya ilaahi Gaur Teera Ki Jab Aaye Sakht Raat,
Unke Pyare Muh Ki Subha Jaa Fiza Ka Saath Ho.

Ya ilaah Garmi-e-Mahshar Se Jab Bharke Badan,
Daaman-e-Mahboob Ki Thandi Hawaa Ka Saath Ho.

Ya ilaahi Nama-e-A'maal Jub Khulne Lage,
Aib-e-Pooshe Khalq Sat'taare Khata Ka Saath Ho.

Ya ilaahi Rang Laaye Jab Meri Be Baaqiyaan,
Unki Nichi Nichi Nazroon Ki Hayaa Ka Saath Ho.

Ya ilaahi Jab Zabaane Bahar Aaye Pyaas Se,
Saahib-e-Kaushar Sha'he Jood-o-ataa Ka Saath Ho.

Ya ilaahi Jab Chalu Tareekh Raahe Pul Siraate,
Aftaab-e-Haashmi Noorul Huda Ka Saath Ho.

Ya Ilaahi Jab Sare Shamsheer Par Chalna Parhe,
"Rabbe Sallim" Kehne Waale Ghamzuda Ka Saath Ho.

Ya ilaahi Jo Dua'ye Nek Ham Tujh Se Kare,
Kudsiyo Ke Lab Se Aameen Rabbana Ka Saath Ho.

Ya ilaahi Jab Raza Khaab-e-Giraa Se Sar Uthe,
Daulat-e-Bedaar Ishq-e-Mustafa Ka Sath Ho.

Ya ilaahi Har Jagah Teri Ata Ka Saath Ho,
Jab Parhe Mushkil Sha'he Mushkil Kusha Ka Saath Ho.

0 Comments